呢支係由可口可樂公司生產嘅健康飲品「Glaceau Sleep Water」，價錢係151yen一支，飲品聲稱可以提高睡眠質素，因為而家夏天咁熱唔夠訓隨時可以有生命危險。
飲品適合呢幾類人：
1.一朝起身都仲係覺得好累
2.工作忙，訓左好似無訓
3.一覺訓唔到天光，半夜起身
4.失眠
飲用時間
1.黃昏，夜晚RELAX嘅時間
2.沖完涼
但有網友就表示飲左之後失去短暫記憶，朝早起身時發現自己全裸，懷疑含有可疑成份（女仔飲咗咪…）。
有人就話飲左都係訓唔到。
有人就話雖然半日都係會醒，但朝早訓醒起同平時感覺好唔同好精神。
睇完我都忍唔住買咗支，今晚沖完涼試飲，聽日出飲評！
＝＝＝新增飲評＝＝＝
失眠救星？Glaceau Sleep Water 試飲報告
by 丹尼爾USB 基於自己本身已經係一個訓上床兩秒就入睡嘅人，但最近都有發下夢半夜醒下，所以尋日見日本網友講到咁勁都即刻買支試！就睇下佢有冇效先！
琴晚做完gym，沖完涼後就試飲咗，味道同寶礦力有九成似唔會難飲。但飲完之後都唔係好覺得有睡意，咁自己就再打咗陣機先上床。
印象中真係一下子就訓著，但半夜就無發夢一覺訓天光（不過我真係證實唔到同支飲品有關啦），今朝起身都幾精神嘅，但就無網友講到好似去左第二個世界咁誇張。（我下半身仲有著褲！）
總結：可能要先飲多幾日先有一個準確嘅結果…不過151yen又唔算太貴，可以試多幾晚。
by 譚雲迪
小編前排都訓得好差，見呢支「失眠救星」Sleep Water一出，香港又未有得賣，已經叫日本同事（即係丹尼爾USB）寄兩支比我，味道冇乜特別，好淡嘅甜味，認真我就覺得幾有用，連續兩晚飲完都覺得好訓咗，亦冇再發夢，不過小編一樣證實唔到好訓咗係關呢支野飲事，但151yen唔貴，大家去日本不妨入手幾支試下！
About Post Author
丹尼爾USB
See author's posts
Tags: Glaceau Sleep Water, 助眠, 可口可樂, 飲品